Südtirol Mobil | Mobilità Alto Adige

L sistem tarifer se stiza sun n prinzip de basa: plu chilometri che n fej ntan l ann y manco che n paia per chilometer.

Tl sistem de trasport ntegrà de Südtirol iel doi sortes de tarifes de viac:

• tarifa de viac sun basa chilometrica;
• tarifa per chertes de viac a tëmp, che vën defineda ndependëntmënter dai chilometri fac.

La tarifa de viac sun basa chilometrica vën calculeda aldò di chilometri fac, tla rë provinziela dla linies y cun la tarifes chilometriches, stluta ora la trassa Prëner-Dispruch, per chëla che l vën aplicà la tarifa stabilida cun acurdanzes aposta.

Per uni viac vëniel calculà almanco 10 chilometri.

La tarifes chilometriches ie fissedes nsci:

• cherta scëmpla: 15 cent per chilometer, turondà ai 50 cent dessëura;
• cherta valor: 12 cent per chilometer, turondà ai 0,01 euro dessëura;
• Südtirol Pass: 8, 4, 2, 0 cent per chilometer, aldò dl scialier tarifer.

La tarifes per la chertes de viac sun la furnadoies, ora che la tarifes per la chertes scëmples ie calculedes n basa ala destanzes cunvenziuneles (chilometri tariferes).

Per i cunliamënc urbans vëniel calculà chësta tarifes al chilometer:

• ti raions tariferes de Bulsan y Maran: 10 chilometri tariferes;
• te duc i autri raions tariferes: 5 chilometri tariferes.

Ufiertes spezieles:

Per alunni e studenti: abo+

Sculëies y studënc dla scoles elementeres, mesanes y autes à inant l dërt de giapé l abo+ debant. Studënc universiteres y lerneri paia na cuota forfetera de 150 euro al ann.

Per persones atempedes: 65+

Dai 70 ani inant resta l Südtirol Pass 65+ debant y cun destumeda nia limiteda. La persones cun plu de 65 ani (nchin śën la persones cun plu de 60 ani) paia na tarifa forfetera de 150 euro al ann. L ie udù danora na fasa de transizion cun n avanamënt dla età: śën àn mo la rejon de giapé l abunamënt da 60 ani inant, tl 2012 da 61 ani inant y nsci inant.

Trasport debant

La persones coun na nvalidità de almanco l 74 % furnea debant.