News

Tosc n abo+ da d’instà per studënc y studëntes?

L Cunsëi provinziel à apurvà na pruposta

14 de utober 2020

Per zitadins y zitadines tl Südtirol che studiea te na università oradecà dëssel unì pità n Südtirol Pass abo+ limità y a n priesc arbassà. L Cunsëi provinziel à apurvà na pruposta n chësc cont.

Deplù nfurmazions


Jí cun la ferata dess gní ciamó plü atratif

Le Parlamënt europeich se dá jö cun i dërc di passajiers dla ferata

5 d'otober 2020

Plü trasparënza por ci che reverda i prisc dles chertes, n sostëgn miré por les porsones cun handicap, plü lerch por les rodes y n sistem d'adoranza unitar por la retüda di cosć de iade canche al é de gran intardiades - a chësta moda dess le jí cun la ferata gní ciamó plü atratif te döta l'Europa.

Deplù nfurmazions


Bus y ferata impede limusines dla firma

"Jí incërch deboriada te na manira sostenibla" - na rezeta dla mobilité da fá do

30 de setëmber 2020

Co fej pa mies colaboradësses y mi colaboradus da rové sön le post de laur? Cun chësta domanda se dá jö tres deplü le personal diretif de aziëndes tl setur privat y publich. L'Uniun di paurs dl Südtirol á svilupé n conzet de mobilité por so personal aladô dl mote: tigní fora le trafich, sposté, mioré.

Deplù nfurmazions


Bulsan: n relit de viera vën neutralisà

N dumënia danmesdì ne val deguna curieres y ferates

Ai 24 de setëmber dl 2020

Pervia dla neutralisazion de n relit de viera sun la plaza Verdi a Bulsan n dumënia, ai 27 de setëmber danmesdì dala 9.00 a, bonamënter, la 11.00, vën l zënter de Bulsan (zona cuecena) rumà y śarà ju defin per rejons de segurëza. Pra chësta zona tochel nce la stazions dla ferates y dla curieres. Te gran pert di autri raions dla zità (zona ghiela) ne daussen nia se tenì su dedora. La stredes ie śaredes y l vën fermà dut l trafich dla ferates y dla curieres tl raion d Bulsan. Sce l ne ie deguna tardivanzes vën l trafich dla ferates y dla curieres inò metù a jì do y do dala 11.00 inant. Tlo na sëuraududa asvelta.

Deplù nfurmazions

 


Trasport di scolars tl tëmp dl Covid-19

Le scomenciamënt é jü plücoater bun, val’ vëgn mioré

Ai 17 de setëmber dl 2020

Al é jü feter düt bun, val' cossa vëgn ciamó miorada – insciö ciarera fora cun le trasport di scolars n'edema do le scomenciamënt dla scora tl tëmp dl Covid-19. L'Ofize por le trasport de porsones y les scores s'á organisé damperfora y por les scolares y i scolars éra intant insciö: se vistí la maschera, sté dainciará, se lavé les mans.

Deplù nfurmazions


Zënter dla mobilité da Bornech: i laurs mët man

l areal dla staziun dla ferata da Bornech vëgnel realisé n grop de coliamënt modern

Ai 10 de setëmber dl 2020

„Passé da n meso de trasport al ater cun sauridanza“ – do chësc moto vëgnel strotoré daldöt danü l’areal dla staziun dla ferata da Bornech. Al vëgn arjigné ca plazes da parché nöies, na staziun dl bus moderna, strades da rové adalerch nöies, tröpes plazes por lascé jö les rodes y n sotpassaje pedonal arlungé por arjunje les scines.

Deplù nfurmazions


Persenon: Cunzet Citybus nuef

L model de suzes vën slargià ora

3 de setëmber 2020

“Truep de nuef” iel da n lunesc, 7 de setëmber, pra l servisc Citybus a Persenon. A tëmp y ëura per l scumenciamënt dla scola vëniel reagì a na majera dumanda, l vën auzà la capazità y realisà i truep dejideres di nuzadëures di mesuns publics.

Deplù nfurmazions


Bënunic y bënunides sun nosta plata web nueva!

La südtirolmubiltà cun na plata web nueva y na app nueva

Ai 26 d‘agost dl 2020

Śën iela tan inant: ncuei mierculdì, ai 26 d’agost 2020, pëia la südtirolmubiltà via te na era nueva. Cun n cialé ora nuef defin, cun nfurmazions di orares y dac tl tëmp reél, cun descrizions dla trasses prezises y material cartografich, cun cuntenuc atualisei y n adatamënt otimal y automatich a duc i formac y njins mobii.

Deplù nfurmazions


Ferates regiuneles Dispruch y Lienz

Dal 1 de setëmber priejes nueves per la trassa parziela austriaca

Ai 24 d’agost dl 2020

Da n merdi, 1 de setëmber 2020 saral priejes nueves per viages cun la ferates regiuneles sun la trasses Prëner-Dispruch y Sanciana-Lienz. 

Deplù nfurmazions


Euregio 2 Plus

Cherta nöia por döta l'Euregio

Ai 24 de lugio dl 2020

„Euregio 2 Plus“ á inom la cherta de iade nöia che vel dal 1. d'agost dl 2020: Por 39 euro pó cina cin porsones (alplü dui gragn y alplü trëi mituns sot 15 agn) s'anuzé deboriada di mesi dl trasport publich tl Südtirol, tl Trentin y tl Tirol.

La cherta dl'Euregio pón cumpré pro dötes les sëntes de venüda de südtirolmobil, pro automac dles chertes de iade y ti bus regionai. Ara ne se trata nia de na cherta por la familia, chël ó dí che les cin porsones n'á nia bria da ester parentela.

Deplù nfurmazions


Südtirol Pass abo+

Damané do o arlungé adora assá!

Ai 20 de lugio dl 2020

I abonamënc anuai por le trasport publich „Südtirol Pass abo+“, che vá debojëgn por le proscim ann de scora o stüde, dess gní arlungiá o damaná do adora assá. A na moda che la tarifa anuala por i abo+ sides tl dagní da scrí jö dales cutes ves aconsiunse da ne paié nia en contanc la soma, mo tres cun le bancomat, la cherta de credit / pago PA (l possa unì a se l dé spëises), le home-banking o le paiamënt bancar (SEPA Direct Debit), a na moda che ara vais da ti jí do al paiamënt.

Deplù nfurmazions


Sistem de paiamënt pagoPA

La manieres de paiamënt online vel nce per l Südtirol Pass

Ai 20 de lugio dl 2020

Dal scumenciamënt dl 2020 vën i paiamënc al’aministrazion publica dejëuc tres l portal “pagoPA” dl’Agenzia per la digitalisazion dla Talia (AgID – Agenzia per l’Italia Digitale).

Deplù nfurmazions


Puster: Ferates surapró d'agost

La fin dl'edema él dër tröpa jënt che vá cun la ferata.

Ai 15 de lugio dl 2020

Porvia dles gran mejes de porsones d'isté vál ince chësc isté la sabeda y la domënia d'agost ferates surapró da Bornech a Sanciana y plü avisa ai 1./2. d'agost, ai 8./9. d'agost, ai 15./16. d'agost, ai 22./23. d'agost y ai 29./30. d'agost.

Deplù nfurmazions


Lech de Braies y Trëi Pizes de Lavarëi

Pro i bus él regoles particolares

Ai 10 de lugio dl 2020

Por i iadi cun le bus al Lech de Braies y les Trëi Pizes de Lavarëi/Auronzo velel d'isté val’ regoles particolares porvia dla gran meja de jënt.

Deplù nfurmazions


Fermades dl bus dlungia la staziun da Bornech partides sö danü

La staziun di bus da denant n'é nia plü a desposiziun

Ai 15 de jügn dl 2020

Dai 15 de jügn dl 2020 é val' fermades dl bus dlungia la staziun dla ferata de Bornech gnüdes partides sö danü. Chësc porvia dl scomenciamënt di laurs de costruziun sön l'areal dla staziun dl bus da denant, che n'é nia plü a desposiziun.

Deplù nfurmazions