Un Euregio Family Pass viene convalidato ad un'obliteratrice.

Abunamënc: la spëises possa unì trates ju

Tlo la lista dla spëises 2019 y d’autra nfurmazions

La spëises abudes per i abunamënc al trasport publich local possa unì trates ju dala chëutes; la lista di paiamënc fac tl 2019 ie da udëi online sun chësta plata.
Avis: Aldò dla despusizions stateles nueves ne puderà i paiamënc che ie unì fac n cuntanc tl daunì nia plu unì trac ju. 
Per la detlarazion dla chëutes velel chëst ann a uni moda chësta regulamentazion: La spëises abudes per i abunamënc al trasport publich local dl 2019 possa unì trates ju dala chëuta sun l davani (IRPEF) nchin al plu l 19 % sun na soma de ndut 250 euro, unfat coche l paiamënt ie unì fat. Chësta detrazion fischela vën aplicheda per la persones che se nuza dl Südtirol Pass, Euregio Family Pass, Südtirol Pass abo+ y Südtirol Pass 65+. Tla soma cumplessiva de 250 euro possel nce unì ratà, ora che la spëises anueles per l Südtirol Pass persunel, la somes o la tarifes anueles di abunamënc per i familieres che ie a cëria n cont dla chëutes.

Lista dla spëises abudes

Chi che à n Südtirol Pass o n abunamënt a si inuem possa se ciarië ju la lista dla spëises abudes n l ann 2019 y purté a detrazion la soma curespundënta tla detlarazion dl davani. L ie de bujën avëi da garat l codesc fischel dla persona che à l abunamënt cun l numer dl Südtirol Pass o abunamënt curespundënt per avëi azes ala lista.
Chësc documënt reassuntif ie mé na lista dla spëises abudes che ti meton a despusizion a nosc tlienc. L resta mpe la respunsabiltà dl cuntribuënt de prejenté la documentazion giustificativa tl cajo de n cuntrol da pert dl'Aministrazion finanziera.

Lista dla spëises abudes per l'abunamënt al trasport publich local

Bonus per penduleres y spëises de viac rembursedes dal datëur de lëur

Per na drëta aplicazion dla detrazion fischela vëniel prezisà che l “bouns penduleres”, uel dì la ndenisazion anuela che n à eventualmënter giapà per tardivanzes y soprescions tl trasport dla ferates regiunel, muessa unì trata ju dala soma cumplessiva dla spëises anueles abudes per l abunamënt al trasport publich, nsci ënghe la spëises de viac cun l Südtirol Pass che ie eventualmënter unides rembursedes dal datëur de lëur.